“Regionun gələcəyi Qarabağ münaqişəsinin başa çatması baxımdan dəyərləndirilməlidir”.
Bunu Azərbaycan Baş nazirinin müavini Şahin Mustafayev ADA Universitetində Azərbaycan-Rusiya iqtisadi münasibətlərinin perspektivlərinə həsr olunan konfransda çıxışı zamanı deyib.
O, Azərbaycanın bu problemi daim sülh yolu ilə həllinə tərəfdar olduğunu, Qarabağda müharibənin dayandırılmasında Rusiya Prezidentinin xüsusi rolunu xatırladıb.
Baş nazirin müavini azad edilmiş torpaqlarda bərpa və yenidənqurma işlərinin bütün region üçün gələcək vəd edərək əməkdaşlıq baxımından geniş imkanlar açdığını bildirib: “Azad edilmiş ərazilərdə bərpa işləri görülür, “ağıllı” şəhərlər, kəndlər, infrastruktur qurulur. Amma minalar üzündən bu işlər ləngiyir”.
Ş.Mustafayev həmçinin Zəngəzur dəhlizində yaradılacaq hüquqi rejimin Laçın dəhlizi ilə eyni olmasının vacibliyini vurğulayıb.
