İrandan qovulan əfqanların sayı gündən-günə artmağa başlayıb. İran hakimiyyəti Əfqan mühacirlərə işgəncə verir.
Bu barədə “Əl-Ərəbiyyə” məlumat yayıb.
Bildirilib ki, əfqan mühacirlərin İrandan deportasiyası 50% çoxalıb.
Həmçinin qeyd edilib ki, Əfqanıstanın “Tolo News” telekanalının Taliban hökumətinin rəsmi idarəsinə istinadən verdiyi məlumata görə, ən azı 3 min əfqan mühacir İrandan deportasiya edilib və ölkələrinə qaytarılıb.
Taliban hökumətinin Miqrasiya İdarəsinin rəisi Abdulla Qəyyumi İran hökumətini mühacirləri təqib etməkdə ittiham edib və deyib: “İranın düşərgələrində və bələdiyyələrində qaçqınları döymək, işgəncə vermək və onlardan pul almaq kimi məlumatlar hər kəsə açıq-aşkar məlumdur”.
Deportasiya edilən əfqanlardan bəziləri “Tolo News”a bildiriblər ki, İranda polis qüvvələri onları şantaj edərək müxtəlif bəhanələrlə zorla pul alıblar.
