UEFA Avropa Liqasının qrup mərhələsinin I turunun oyunlarını stadionlardan izləyən azarkeşlərin sayı bəlli olub.
UEFA-nın yaydığı məlumata görə, Tofiq Bəhramov adına Respublika stadionunda keçirilən “Qarabağ” – “Molde” (Norveç) qarşılaşmasını tribunalarda 26 min 500 tərəfdar izləyib. Bu görüş siyahının səkkizinci pilləsində yer alıb.
Ən çox azarkeş Yunanıstanda “Panatinaikos” və İspaniyanın “Vilyarreal” komandaları arasında keçirilən matçda qeydə alınıb. Görüşü 57 min 3 nəfər tribunadan izləyib.
Qeyd edək ki, “Qarabağ” “Molde”ni minimal hesabla məğlub edib – 1:0.
