Teleqram üzərindən vətəndaşlara “@Postbot” vasitəsilə yaradılmış fişinq mesajlar göndərilir.
Xüsusi Rabitə və İnformasiya Təhlükəsizliyi Dövlət Xidmətinin (XRİTDX) Kompüter İnsidentlərinə qarşı Mübarizə Mərkəzindən (CERT)
verilən məlumata görə, çox zaman bu mesajlar dost və ya tanış adından gəldiyinə görə güvənli hesab olunur və məlumatsız vətəndaşlar bu tələyə düşüb öz fərdi məlumatlarını daxil edirlər.
Nömrəni daxil etdikdən sonra, həmin nömrənin “Telegram” hesabına təsdiq kodu göndərilir. Bu kod “Telegram” hesabına başqa cihazlardan daxil olmaq üçün istifadə olunan koddur. Əgər kod düzgün şəkildə daxil edilərsə, sizin “Telegram” hesabınız ələ keçirilmiş sayılır və kiberdələduzlar bundan istifadə edərək başqa vətəndaşlara sizin adınızdan real kimi görünən həvəsləndirici fişinq mesajları göndərəcəklər.
Vətəndaşlara “@ PostBot” vasitəsi ilə gələn mesajlara daxil olmamaq, şübhəli keçidlər vasitəsilə bank, mobil nömrə və digər fərdi məlumatlarını qarşı tərəfə təqdim etməmək tövsiyə olunur.
Ətraflı
Əgər vətəndaşlar artıq “@ PostBot” vasitəsi ilə gələn mesajlara daxil olublarsa, aşağıda qeyd edilən addımları həyata keçirmək tövsiyə olunur:
1.Teleqram hesabı üçün iki mərhələli təsdiqləməni aktivləşdirin;
2.Sizə gələn təsdiqləmə kodunu heç kimlə paylaşmayın;
3.Teleqram hesabına qoşulmuş cihazlara nəzarət edin;
4.Tətbiq icazələrini doğru tənzimləyin.
About the Author
