Feysbuk bu şəxslərin hesablarını donduracaq
Xüsusi

11 Fevral 2021

İngiltərə Premyer Liqasında çıxış edən futbolçuların son vaxtlar sosial şəbəkələr vasitəsilə irqçi təzyiqlərə məruz qalması feysbuk rəhbərliyini hərəkətə gətirib.

Addim.az xəbər verir ki, şirkət buna yol verən şəxslərə xəbərdarlıq edib.

“Mançester Yunayted”in oyunçuları Markus Reşford, Entoni Marsyal, Aksel Tuanzebe, “Vest Bromviç”dən Romeyn Rouyers, “Çelsi”dən Riis Ceyms və “Mançester Yunayted”in qadın komandasında çıxış edən Loren Ceymsin ünvanına irqçi ifadələr işlədilməsini əsas götürən feysbuk rəhbərliyi bundan sonra analoji addıma əl atan şəxslərlə bağlı tədbir görüləcəyini bəyan edib. Konkret olaraq bu tip status yazanların hesabları qeyri-müəyyən müddətə qədər dondurulacaq.
 

Feysbukun sahibi olduğu instaqramda isə irqçi fikirlər yazan şəxslərin hesabları silinəcək.

ŞƏRHİNİZİ YAZIN

Siz (*) tələb olunan məlumatı daxil etdiyinizə əmin olun.Hansı ki, HTML kodu iczə verilmir.

 

Top