“Bakı Metropoliteni” koronavirusla mübarizəyə vəsait ayırdı
Xüsusi

26 Mart 2020

 

“Bakı Metropoliteni” QSC Koronavirusla Mübarizəyə Dəstək Fonduna ianə ayırıb.

Oxu.Az xəbər verir ki, Prezident İlham Əliyevin 19 mart 2020-ci il tarixli Fərmanı ilə yaradılmış Koronavirusla Mübarizəyə Dəstək Fonduna “Bakı Metropoliteni” QSC işçilərin əməkhaqqından 100 min manat məbləğində vəsait köçürüb.

“Bakı Metropoliteni” QSC-nin kollektivi koronavirus pandemiyasının vətəndaşlarımıza və iqtisadiyyatımıza təsirinin qarşısını almaq üçün dövlətimiz tərəfindən həyata keçirilən tədbirlərə dəstək göstərmək məramı ilə xalqımızla həmrəyliyini bəyan edir.

Qeyd edək ki, Koronavirusla Mübarizəyə Dəstək Fonduna hazırda fiziki və hüquqi şəxslər, habelə müxtəlif təşkilatlar tərəfindən könüllü ianələr edilir.

 

ŞƏRHİNİZİ YAZIN

Siz (*) tələb olunan məlumatı daxil etdiyinizə əmin olun.Hansı ki, HTML kodu iczə verilmir.

Top